هلمند کې د پیازو د تولید کچه بېسارې لوړه شوې ده

هلمند کې د پیازو د تولید کچه بېسارې لوړه شوې ده

هلمند ولایت کې د پیازو د تولید کچه سږ کال لوړه شوې ده چې ورسره جوخت بزګر هم ورته خوښ دي.

 

د هلمند ولایت د کرنې ریاست مسوولین وايي، سږ کال په دغه ولایت کې د پیازو د تولید کچه ۱۷ سلنې ته لوړه شوې ده.

 

د مسوولینو په وینا، سږ کال په دغه ولایت کې ۱۵۰ هکټاره ځمکه کچالو او ۱۱۰ هکټاره ځمکه باندې نوش پیاز کرل شوي دي.

 

مسوولین وايي، هره اوونۍ د هلمند ګاونډیو ولایتونو ته نږدې ۳۰ ټنه پیاز لېږدوي.

 

د هېواد په سویل کې پروت هلمند هغه ولایت دی چې ډېر کله ترې د ناامنیو راپورونه ورکول کېدل، خو په دې وروستیو کې يې امنیتي وضعیت تر یوه بریده ښه شوی دی.

Leave a Reply

Your email address will not be published.