پاکستانیو ځواکونو ۳۸ خپلواکۍ نمانځونکي افغانان نیولي

پاکستانیو ځواکونو ۳۸ خپلواکۍ نمانځونکي افغانان نیولي

محور؛ دوشنبه، د زمري میاشتې ۲۸ مه:

پېښور کې پاکستانیو پولیسو ۳۸ هغه افغان ځوانان نیولي دي چې د افغانستان د خپلواکۍ سلمه کالیزه یې په دغه لوی ښار کې نمانځله.

نیول شویو کسانو سره د افغانستان درې رنګي ملي بیرغونه و او د پېښور ښار په واټونو یې د افغانستان زنده باد په شعارونو ګرځول.

په پېښور کې د پولیسو د ادارې ویاند عنایت علي رسنیو ته ویلي چې د جلسو او لاریونونو لپاره باید له ښاري “انتظامیې” اجازه واخیستل شي، خو افغانانو دا اجازه نه‌وه اخیستې.

له دې څو ورځې مخکې هم پولیسو د پېښور بورډ بازار کې یو سبزي پلورونکي افغان هغه مهال ونیوه چې د خپلې کراچۍ له پاسه یې د برښنا پر ستن د افغانستان بیرغ لګولی و.

پر دې اړه په پېښور کې له افغان کونسلګرۍ سره په اړیکه نیولو بریالي نه‌شوو.

Leave a Reply

Your email address will not be published.