ښاغلي فضلي ویلي:" ترکومه چې زه معلومات لرم حتی د امریکایانو له خوا څخه لاسلیک شوې موافقه طالبانو ته استول شوې او یوازې د طالبانو لاسلیک پاتې دی چې هغوی یوڅه ملاحظات پکې لري، خو امکان لري چې په راروانه اوونۍ کې دا موضوع حل شي .

ملا ننګیالی په شینډنډ کې له طالبانو دجلاشوې ډلې یو مهم غړی و چې له دولت سره یې همکاري درلوده. د هرات اوسیدونکي دې برید ته د شک په سترګه ګوري او وايي چې له دولت سره همکار قوماندان ولې د غوڅ ملاتړ ځواکونو له خوا په نښه کیږي.

ریچارد اولسون وايي: ( که له ایران سره په یوه اوږد مهاله جګړه کې ښکیل شو، چې زما په نظر متاسفانه احتمال یې شته، په هغه صورت کې ښايي امریکا په دې فکر کې شي چې د ایران د ګواښلو په موخه په افغانستان کې قوي حضور ته اړتیا لرو، که موږ دې پریکړې ته ورسو، نو تقریبا د افغانستان د سولې بهیر د پای ته رسیدو مانا لري.)

په کابل کې د ملګرو ملتونو د مرستندویه دفتر مرستیال توبی لنزر وویل ډاډمن نه دی چې په قطر کې د طالبانو او امریکا خبرې دې افغانستان ته سوله راولي.