د شیرخان بندر د نفتي توکو رییس سید عبیدالله سادات وايي په کندز ښار کې د تیلو یو شمیر پمپونه دولت ته قانوني مالیه نه ورکوي. هغه وايي څو ځلې یې په دې موخه امنیې قوماندانۍ ته مکتوبونه لیږلي، خو تراوسه هیڅ ځواب نه دی ورکړل شوی.

د لوړو زدکړو وزارت ویاند فیصل امین وايي تراوسه دښاغلي اجمل احمدي تحصیلي اسناد د تایید لپاره دوي ته نه دي رسیدلي په داسې حال کې چې د نوموړي له سرپرستي څه باندې یوکال اوړي.

د لویې څارنوالۍ ویاند وايي د لویې څارنوالۍ اسناد دا نه ثابتوي چې د جنسي ځورونې عامل ښوونکي دي. هغه وايي داسې کوم سند نشته چې وښيي جنسي ځورونه د ښوونځي د ښوونکو له خوا تایید کړي.

په تېرو دریو ورځو کې دوه کسان د اوومې ناحیې، دوه کسان د دریمې ناحیې او یو بل کس د اتلسمې ناحیې اړوندو سیمو کې وژل شوي چې انګېزه یې وسله والې غلاوې بلل شوي دي.

د ننګرهار د امنيې قوماندانۍ مطبوعاتي دفتر وایي،پولیسو د چپرهار ولسوالۍ په مربوطاتو کې د یوې ۱۷ کلنې نجلۍ د تښتوونې په تور درې تنه انسان تښتوونکي نیولي دي.

دا بندیان وايي له کلونو راهیسې له ګڼو ستونزو سره مخ دي او حکومت ورته هیڅ پام ندی کړی، بندیان زیاتوي چې د ځای تنګوالی، د خوړو خراب کیفیت اود دوی د دوسیو پروخت نه څېړل هغه ستونزې دي چې دوی ترې کړیږي.

د اشکمش ولسوالۍ دا اوسیدونکي وايي که حکومت د دوی ستونزه حل نه کړي او د غیر مسولووسله والو مخه ونه نیسي، دوی به په خپله له هرې ممکنې لارې استفاده وکړي او که یې حکومت غږ وا نه وري د معلم رووف پروړاندې به خپله لاس په کار شي.

د هرات د والي ویاند جیلاني فرهاد وايي نیول شوي کسان د ملي امنیت ځواکونو له خوا تر تعقیب لاندې وو او غوښتل یې د یوه سوداګرزوی وتښتوي چې د دغه کار په وخت نیول شوي دي.

د غزني د والي ویاند وايي دا عملیات تېره شپه له نشه يي توکو سره د مبارزې ځانګړو ځواکونو له هوايي ځواکونو سره یو ځای د د دغه ولایت د ده یک ولسوالۍ په بالي بالا کلي کې شوي دي.