امریکا له ټاکنو او سولې بهیر ملاتړ کړی دی

ولسمشر محمداشرف غني نن غرمه د امریکا متحدو ایالتونو د بهرنیو چارو وزیر مایک پمپیو خپل سره لیدلي دي.

له ارګه خپرې شوې خپره شوې خبرپاڼه کې راغلي چې دواړو خواوو د امنیتي او دفاعي ځواکونو د تحرکاتو او ظرفیت د زیاتوالي، د دوه اړخیزو اړیکو د همغږۍ او همسویۍ، سولې پروسې او د افغانستان د جمهوري ریاست د راتلونکو ټاکنو په اړه خبرې کړې دي.

د امریکا متحدو ایالتونو د بهرنیو چارو وزیر مایک پمپیو د افغان امنیتي او دفاعي ځواکونو وړتیاوې ستایلې دي.

ولسمشر ویلي، د افغانستان حکومت او بین المللي همکارانو د افغانستان د څلوېښت کلن سیاسي بحران د حل په خاطر خپل نیت، اراده او چمتووالی ښودلی او اوس د دې وخت را رسېدلی چې طالبان او د هغوی ملاتړي هم دغسې چمتووالی وښیي.

ښاغلي غني زیاته کړې، د افغانستان د سولې په اړه په منسجمه او متحدانه ډول د کوښښونو او پیغامونو ترسره کول به پایله لرونکي وي.

مایک پمپیو څرګنده کړې، د امریکا متحدو ایالتونو حکومت د سولې پروسې او د افغانستان د جمهوري ریاست ټاکنو چې د روان کال په تلې میاشت کې ترسره کېږي، ملاتړ کوي او په دې برخه کې هر ډول همکارۍ ته چمتو دي.