امنیت شورا: تېره اوونۍ ۴۶۵ مخالفینو ته مرګ ژوبله اوښتې

امنیت شورا: تېره اوونۍ ۴۶۵ مخالفینو ته مرګ ژوبله اوښتې

ملي امنیت شورا دفتر وايي، تېره اوونۍ وسله والو طالبانو ته  درانه تلفات اوښتي دي.

 

له ملي امنیت شورا په خپره شوې خبرپاڼه کې راغلي، چې د هېواد په بېلا بېلا ولایتونو کې د امنیتي او دفاعي ځواکونو د ځمکنیو او هوايي عملیاتو پر مهال دښمن ته  درنه مرګ ژوبله اوښتې ده.

 

د خبرپاڼې په حواله، ددې عملیاتو په نتیجه کې د طالبانو او داعشیانو ۳۵۲ غړي وژل شوي، ۱۱۳ ټپیان دي او ۳۹ نیول شوي دي.

 

په دې عملیاتو کې زیات شمېر نقلیه وسایط تر لاسه شوي او د پرسونل ضد ۱۰۴ کړۍ ماینونه کشف او شنډ شوي دي.

Leave a Reply

Your email address will not be published.