ايكوادور كې يوه الوتكه غورځيدلې

ايكوادور كې يوه الوتكه غورځيدلېپه ايكوادور كې د يوې پوځي الوتكې د غورځيدو په پيښه كې ۲۲ تنه وژل شوي دي. دا الوتكه د سويلي امريكا په ايكوادور كې په يوه ځنګل كې غورځيدلې ده.

د اكوادور چارواكي وايي دا الوتكه د دغه ولايت په ختيځ ايالت كې د آمازون ځنګل له پاسه روانه وه چې راوغورځيده. چارواكي وايي په دې پيښه كې ۲۲ تنه  سپاره وو چې ټولو ژوند له لاسه وركړى دى.

د ایکوادور ولسمشر رافیل کورییا په خپله ټويټر پاڼه د دې خبر پخلى كړى.  ځیني خبري رسنیو ویلي د الوتکې  تر غورځيدو  څو شیبې وړاندې پیلوټ د هوايي ډګر سره اړیکه ټینګه نيولې وه او ویلي وو چې د هوا حالات ډیر خراب دي او د بیړنۍ ناستې د اجازې غوښتنه يې کړې وه.

ویل کیږي د پیلوټ د اړیکې نه څو شیبې وروسته د الوتکې سره اړیکه پرې شوه. د ایکوادور پوځ ویلي   پدې الوتکه کې دوه  پیلوټان ، یو تخنیکر او ۱۹ پوځیان  سپاره وو.

Leave a Reply

Your email address will not be published.