حکمتیار: که طالبان له امریکا سره توافق هم وکړي، جګړه به ختمه نه شي

حکمتیار: که طالبان له امریکا سره توافق هم وکړي، جګړه به ختمه نه شي

د حزب اسلامي مشر ګلبدین حکمتیار وايي، که وسله وال طالبان له امریکا سره د سولې بهیر کې توافق هم وکړي، روانه جګړه به پای ونه مومي.

حکمتیار د پاکستان له خیبر ټلوېزیون سره تازه مرکه کې ویلي، د طالبانو او امریکا توافق به هېڅکله مشکل حل نه کړي.

د حکمتیار په خبره، که طالبان غواړي جګړه پای ته ورسېږي او سوله ییز ژوند ولري، باید د حزب  اسلامي په څېر روانې کشالې ته یو بین الافغاني حل ولټوي.

هغه ټینګار کړی، پاکستان اوس درک کړي چې باید د افغانستان جګړه پای ته ورسوي.

د حزب  اسلامي مشر ویلي له افغانستان وروسته چې زیات زیان ورته رسېدلی، هغه پاکستان دی او دغه هېواد به د افغان سولې له بهیر سره رښتینې مرسته وکړي.

Leave a Reply

Your email address will not be published.