خلیلزاد: طالبان دې هر اړخیز اوربند ته غاړه کېږدي

خلیلزاد: طالبان دې هر اړخیز اوربند ته غاړه کېږدي

د افغانستان د سولې لپاره د امریکا د بهرنیو چارو وزارت ځانګړي استازي زلمي خلیلزاد طالبان تورن کړي چې ګنې افغانستان کې تشدد زیاتوي.

 

خلیلزاد په یوه تازه ټوېټ د طالبانو د  وروستۍ اعلامیې په غبرګون کې لیکلي: د افغانستان جګړه مونږ نه ده تپلې، بلکې لسیزې کېږي افغانان د جګړې په اور کې سوځي، چې لسګونه زره ملکیانو په کې خپل ژوند بایللی دی.

خلیلزاد ویلي چې د افغانانو لپاره دا لومړیتوب دی تر څو د جګړې پر ځای د پرمختګ په اړه فکر وکړي.

 

د خلیلزاد په وینا، امریکا متحدو ایالتونو د سولې خبرې ځکه پیل کړي، چې جګړه د حل لاره نه ده او تاوتریخوالی زېږوي.

ښاغلي خلیلزاد ټینګار کړی چې د مذاکراتو جریان کې مې طالبانو ته د تشدد د مخنیوي او راکمولو اړوند طالبانو ته ځینې وړاندیزونه وکړل، خو په وینا یې چې دغې ډلې راسره ونه منل.

د امریکا ځانګړي استازي خلیلزاد پر طالبانو غږ کړی چې د تلفاتو د راکمېدو لپاره دې هر اړخیز اوربند اعلان کړي. هغه ویلي چې د طالبانو مشران باید خپلو استازو ته اجازه ورکړي چې د سولې د خبرو مېز ته کېني.

خلیلزاد ویلي چې افغانان داسې سوله غواړي تر څو دلته تل پاتې ثبات تامین شي او تر څنګ يې امریکا له افغانستان سره خپلو مرستو ته دوام ورکوي.

Leave a Reply

Your email address will not be published.