د ختیځ اوسېدونکي د داعش بشپړ ورکی غواړي

د ختیځ اوسېدونکي د داعش بشپړ ورکی غواړي

د ننګرهار  او کونړ د و ولایتي شورا غړو له حکومت غوښتنه کړې، چې ننګرهار او کونړ ولایتونو کې دې د داعش ډلې د بشپړ ورکۍ لپاره خپل پوځي عملیات لا ګړندي او زیات کړي.

د خلکو استازو ویلي، ننګرهار کې د داعش ډلې فعالیت زښته زیات کم شوی دی، چې د بشپړ و ورکېدو لپاره یې باید لا زیات اقدامات ترسره شي.

د ملي دفاع وزارت ویاند غفور احمد جاوېد هم ویلي، چې ننګرهار کې د داعش ډله سختې ماتې سره مخ شوې ده او نور په کې د فعالیت او جګړې توان نشته دی.

د کونړ د ولایتي شورا غړو بیا اندېښنه ښودلې، چې دغه ولایت کې د داعش ډلې فعالیت لږ پراخ شوی دی، چې حکومت یې باید جدي مخنیوی وکړي.

بلخوا د کونړ سیمه ییزو چارواکو بیا ډاډ ورکړی، چې کونړ کې به داعش ډله پراخېدو ته پرېنږدي او ژر به یې دلته هم لکه د ننګرهار په څېر وځپي.

په دې وروستیو کې ننګرهار ولایت کې د داعش ډلې پر ضد افغان ځواکونو هوايي بریدونه او د ملي امنیت صفر دوه قطعې خپل عملیاتونه پراخ کړي دي، چې ښې لاسته راوړنې هم لري.

 

Leave a Reply

Your email address will not be published.