د خلیلزاد د بل مهم سفر لړۍ پیل شوه

د خلیلزاد د بل مهم سفر لړۍ پیل شوه

د افغانستان د سولې او ملي پخلاینې په چارو کې د امریکا د بهرنیو چارو  وزارت ځانګړی استازی زلمی خلیلزاد شپږو  اروپايي او اسیايي هېوادونو په سفر وتلی دی.

 

د امریکا د بهرنیو چارو وزارت اعلامیه وايي، خلیلزاد به په دې سفر کې د یو شمېر اروپايي او اسیايي هېوادونو له مشرانو سره پر افغان سوله خبرې وکړي.

 

خلیلزاد به بلجیم، جرمني، ترکیې، قطر، افغانستان او پاکستان ته سفر کوي، چې د روانې میلادي میاشتې تر پایه به ادامه پیدا کړي.

 

خلیلزاد ویلي غواړي بین الافغاني مذاکراتو ته زمینه برابره کړي.

 

یو شمېر هېوادونو ته د خلیلزاد د سفر له پیلېدو سره سم د امریکا د دفاع وزارت سرپرست په نا اعلان شوي سفر نن کابل ته راغلی دی.

 

خلیلزاد قطر کې له طالبانو سره د تېر پړاو مذاکرات بریالي بللي  و

 

د قطر له مذاکراتو وروسته طالب استازي له یو شمېر افغانانو سره مسکو کې جرګه شول.

 

مسکو کې طالب استازو رسنیو سره په خبرو کې ویلي و چې له افغانستان څخه د بهرنیو ځواکونو د وتلو پر سفر له امریکا سره توافق ته رسېدلي دي.

 

خلیلزاد بیا د طالب استازو د څرګندونو غبرګون کې ټینګار کړی چې افغانستان کې يې د سولې بهیر د ثبات تامین په خاطر پیل کړی دی، له د بهرنیو ځواکونو د وتلو په هدف.

 

ولسمشر هم تېره ورځ ننګرهار کې ویلي و چې طالبانو ته په کابل، کندهار او ننګرهار ولایتونو کې دفتر ورکوي، طالبانو بیا د یوې اعلامیې په خپرولو سره، د ولسمشر وړاندیز رد کړی دی.

 

ولسمشر ویلي و چې سوله په مکه کې ده، نه مسکو کې

Leave a Reply

Your email address will not be published.