د هرات ـ کندهار پر لویه لار چاودنې ۳۴ ملکیان شهیدان کړي

محور؛ چهارشنبه، د زمري میاشتې نهمه: نن سهار شاوخوا اووه نیمې بجې د هرات کندهار پر لویه لار فراه ولایت ته نږدې شاوز سیمه کې د ملکي وګړو په یو لوی بس د سړک غاړې ماین چاودلی چې له امله یې ۳۰ ملکیان شهیدان شوي دي او له ۲۰ زیات ټپیان دي.

سیمه کې عیني شاهدانو ویلي: وژل شویو کې مېرمنې او ماشومان هم شتون لري.

وژل شوي ټول ملکي وګړي دي.

د مسافرو دغه لوی بس له هرات ولایت څخه کابل ته پر لاره و.

پرون هم د کندهار ولایت په سپین بولدک ولسوالۍ کې د ملکي وګړو منځ کې ماین چادنه کړې وه چې درې ماشومان يې شهیدان کړي و او ۲۰ یې ټپیان کړي وو.