سعودي شهزاده له دوه ټنه نشي توکو سره ونیول شو

سعودي شهزاده له دوه ټنه نشي توکو سره ونیول شویو سعودي شهزاده چې غوښتل یې له لبنان څخه دوه ټنه نشي توکي ولېږدوي، په بیروت هوايي ډګر کې د هغه هېواد د پولیسو له خوا نیول شوی دی.

د عبدالمحسن، بن ولید بن عبدالمحسن بن عبدالعزیز شخصي الوتکه د بیروت له هوايي ډګره د پرواز د چمتووالي پر وخت وپلټل شوه او په ډاګه شوه چې شهزاده یوازې د همدې توکو د قاچاق لپاره بیروت ته تللی و.

نشي توکي چې د کپتاګون له جنس څخه و په ۲۴ پلاستیکي بستو او اتو بکسونو کې ځای پرځای شوي وو. د روسیې یوې رسنۍ راشا ټوډې ویلي دا مواد د سعودي عربستان په شمال لودیځ کې یوې حایل سیمې ته انتقالیدل.

ځینو نورو سرچینو د خلطو شمیر ۴۰ ښودلی چې وزن یې له ۱۹۰۰ کیلو ګرامو اوړي. د راپور په وینا د نشي توکو ددې لوی مقدار له کشف سره د بیروت پولیسو سعودي شهزاده نیولی دی.

په سعودي او ځینو نورو عربي هېوادونو تور دی، چې لوړ پوړي دولتي چارواکي او د پاچا کورنۍ غړي د نشي توکو په کاروبار کې ښکېل دي.

Leave a Reply

Your email address will not be published.