مارک سپر د امریکا د دفاع وزارت نوی سرپرست ټاکل شوی

مارک سپر د امریکا د دفاع وزارت نوی سرپرست ټاکل شوی

 له سپر وړاندې پاټریک شاناهان د امریکا د دفاع وزارت سرپرستي کوله چې تېره اوونۍ خپله دنده پریښوده او له پنټاکون سره يې مخه ښه وکړه.

 

مارک سپر د امریکا درېیمه پوځي څېره ده چې د ډونلډ ټرمپ د حکومت په پېر کې د دفاع وزارت د سرپرست په توګه معرفي کېږي.

 

له پاټریک شاناهان مخکې، جېمز مټيز د امریکا د دفاع وزارت سرپرستي په غاړه لرله.

 

سپر پر داسې مهال د امریکا دفاع وزارت سرپرستۍ ته معرفي کېږي چې د واشنګټن ـ تهران ترمنځ اړیکې خورا خرابې شوې دي او تازه ایران د امریکا یوه بې پیلوټه الوتکه هم راغورځولې ده.

 

بهرنیو رسنیو ویلي، ټرمپ پر ایران د برید امر کړی و، خو له برید لس دقیقې مخکې بېرته پښېمانه شو.

 

د ټرمپ په وینا، پر ایران برید د امریکا د بې پیلوټه الوتکې د نسکورېدو په ځواب کې ترسره کېده

Leave a Reply

Your email address will not be published.