ولسمشریزو ټاکنو ته نوماند عبدالله عبدالله قطر کې د طالب استازو او یو شمېر افغان سیاسیونو ترمنځ د روانو خبرو هرکلی کړی دی.

عبدالله عبدالله هیله څرګنده کړې چې د قطر له مذاکراتو وروسته به له طالبانو سره د افغان حکومت مخامخ خبرې پیل شي.

هغه ویلي، افغانان او د افغان حکومت د لوړ پوړو چارواکو په شمول، د ټاکنو ترسره کېدو ته چمتووالی لري.

نوموړي څرګنده کړې چې راتلونکې ټاکنې باید شفافې ترسره شي.

 

عبدالله عبدالله  له مدني ټولنو غوښتنه کړې ده چې ددې پروسې جدي نظارت وکړي.