عمران خان له طالب استازو سره ګوري

عمران خان له طالب استازو سره ګوري

ټاکل شوې ده چې تر راتلونکو څوو ورځو به د پاکستان لومړی وزیر عمران خان د طالبانو له یو شمېر مشرانو سره وګوري.

پاکستانیو رسنیو د پاکستان د لومړي وزیر عمران خان د لومړي مرستیال نعیم الحق له قوله لیکلي، په دې نږدې ورځو کې به عمران خان له طالبانو سره وګوري او پر افغان سوله به ورسره خبرې و کړي.

د راپور له مخې، د افغانستان حکومت هم له طالبانو سره د عمران خان پر لیدو رضایت څرګند کړی دی.

پاکستانیو رسنیو همدا راز خبر  ورکړی چې دغه هېواد ته د ولسمشر غني له سفر وروسته د کابل ـ اسلام آباد اړیکې ډېرې ښې شوې دي.

وسله والو طالبانو بیا تر اوسه ددې خبر په اړه څه نه دي ویلي

Leave a Reply

Your email address will not be published.