قریشي: له بین الافغاني مذاکراتو ټینګ ملاتړ کوو

قریشي: له بین الافغاني مذاکراتو ټینګ ملاتړ کوو

د پاکستان د بهرنیو چارو وزیر شاه محمود قریشي برټانیې ته په یوه رسمي سفر تللی او هلته يې په ټلیفون د امریکا د بهرنیو چارو وزیر “مایک پامپیو” سره پر دوه اړخیزو اړیکو او په سیمه کې پر سوله او امنیت خبرې کړي دي.

 

قریشي پامپيو ته د پاکستان د اقتصادي وضعیت او “عمل پلان” په اړه معلومات ورکړي.

 

په راپور کې راغلي چې دواړو لوریو د افغانستان د سولې پر پروسې بحث کړی او په افغانستان کې یې سوله د سیمې د امنیت او ثبات لپاره خورا مهمه بللې.

 

قریشي په دې خبرو کې ویلي، “هېواد یې ژمن دی چې په سیمه کې به د تل‌پاتې سولې لپاره هلې ځلې وکړي او په دې برخه کې به مثبت رول ولوبوي او له بین الافغاني مذاکراتو به ملاتړ وکړي.”

 

راپور وړاندې لیکي چې د پاکستان حکومت د سولې او پیوستون لپاره د افغانستان او پاکستان د عمل پلان اغېزمنتیا درک کړي او هغه هېواد د خبرو او ښکېلتیا له لارې د ټولو ستونزو د هواري په لټه کې دی.

Leave a Reply

Your email address will not be published.