كندهار كې يو ځانمرګى وژل شوى

په كندهار كې  يو ځانمرګى بريدګر د ملي امنيت ځواکونو له خوا موخې ته له رسېدو مخکې ووژل شو. د کندهار د  والي وياند صميم خپلواک وايي  د ملي امنيت  ځواکونو ښار ته د يوه ځانمرګي د ننوتلو په اړه معلومات ترلاسه کړي و، هغه وايي په همدې موخه د ملي امنيت منسوبينو د ښار په پنځمه حوزه كې د امنيې قوماندانۍ ته څيرمه د تلاشى په پوسته كې يو ځانمرګى بريد ګر تر پيژندلو وروسته وواژه.  هغه وايي  د ډزو پر مهال د بريدګر له چاودېدونکو توکو ډک واسکټ هم چاودېدلى، خو چا ته زيان نه دى اوښتى. وسله والو مخالفينو تر اوسه په دې اړه څه نه دي ويلي.

Leave a Reply

Your email address will not be published.