م.م امنیت شورا: طالبان اوس هم له نړیوالو ترهګرو سره اړیکې پالي

م.م امنیت شورا: طالبان اوس هم له نړیوالو ترهګرو سره اړیکې پالي

د ملګرو ملتونو  امنیت شورا ویلي د داعش او القاعده په شمول زیات شمېر نړیوال ترهګر لا هم افغانستان کې موجود دي او له طالبانو سره نږدې اړیکې پالي.

 

امنیت شورا ویلي چې نړیوال ترهګر لا هم د نړۍ په کچه د ځان لپاره تر ټولو خوندي ځای افغانستان بولي.

 

د امنیت شورا یو چارواکي خبردار ورکړی چې د افغانستان په ۱۳ ولایتونو کې القاده ډله فعالیت کوي چې زیاتره جنګیالي په بدخشان او پکتیا کې لري

 

د امنیت شورا په خبره، د بدخشان په شغنان او د پکتیا په برمل کې د القاعده ډلې نږدې ۵۰۰ جنګیالي فعال دي.

 

د ملګرو ملتونو امنیت شورا  ویلي، له نړیوالو ترهګرو سره لا هم د طالبانو اړیکې پخې دي او پالي يې ورسره.

 

د ملګرو ملتونو امنیت شورا پر داسې مهال دغه خبرې کوي چې قطر کې د طالبانو او امریکایانو ترمنځ خبرې روانې دي.

 

طالبان وايي، له امریکا سره په دې خبرې کوي چې د افغانستان خاوره د سولې تر تامین وروسته د چا پر ضد ونه کارول شي.

 

امریکا بیا له طالبانو غوښتي چې له نړیوالو ترهګرو سره ه خپلې اړیکې پرې کړي.

Leave a Reply

Your email address will not be published.