هلمند کې د بهرنیو ځواکونو الوتکې بېړنۍ ناسته کړې

هلمند کې د بهرنیو ځواکونو الوتکې بېړنۍ ناسته کړې

د راپورونو له مخې په هلمند کې د بهرنيو ځواکونو يوې چورلکې بېړنۍ ناسته کړې ده چې پکې سپاره کسان ژغورل شوي، خو الوتکه سوځول شوې ده.

 

د هلمند د والي وياند محمد عمر ځواک ويلي چې تېره ورځ ناوخته د نوزاد ولسوالي په بارکزیو سيمه کې د بهرنيو ځواکونو يوې چورلکې بېړنۍ ناسته کړې ده.

 

هغه وايي چې د الوتکې ټوله عمله ژغورل شوې خو خپله چورلکه د بهرنیو ځواکونو له لوري سوځول شوې ده.

 

دغه راز په کابل کې د ناټو مطبوعاتي دفتر هم دغه پېښه تاييدوي او وايي چې چورلکې له کوم بريد پرته بېړنۍ ناسته کړې ده.

 

یاده سرچينه هم وايي چې د چورلکې ټوله عمله ژغورل شوې ده.

Leave a Reply

Your email address will not be published.