ولسمشر: اکثریت خوشې شوي بندیان به د سولې سفیران شي

ولسمشر: اکثریت خوشې شوي بندیان به د سولې سفیران شي

ولسمشر محمد اشرف غني بیشکک ته له سفر وړاندې ارګ کې له زیات شمېر دیني علماوو سره کتلي دي.

 

هغه دیني علماوو ته د وینا پر مهال ویلي، زیاتره خوشې شوي طالب بندیان به د سولې سفیران شي او بیا به هېڅکله جنګ ته ور ونه ګرځي.

 

ولسمشر غني ډاډ څرګند کړی چې افغان حکومت تل د جګړې پر ځای د سوې غږ پورته کړی دی او مونږ هېڅکله جنګ نه غواړو.

 

جمهوررئیس له علماو غوښتي چې د ټاکنو خپلواک کمېسیون ته د شفافو ټاکنو د ترسره کېدو لپاره خپل غږ ورسوي او زیاته یې کړه، د فراه ولایت د کرنیزو محصولاتو ستونزې په اړه مې ملي تدارکاتو ادارې ته دنده سپارلې چې د دغه ولایت تولیدات د کندهار ولایت  ۲۰۵ اتل، د هلمند ولایت ۲۱۵ میوند او د هرات ولایت ۲۰۷ ظفر قول اردوګانو ته وپېري.

Leave a Reply

Your email address will not be published.