ولسمشر له ډانفورډ سره کتلي دي

ولسمشر له ډانفورډ سره کتلي دي

محور؛ ۵ شنبه، د اسد درېیمه: ولسمشر محمد اشرف غني نن مخکې له غرمې د امریکا د پوځ د مرکزي قوماندانۍ له قوماندان جنرال جوزیف ډانفورډ سره کتلي دي.

له  ارګه خپره شوې خبرپاڼه کې راغلي چې دواړو لوریو له ترهګرۍ سره پر مشترکې مبارزې ټینګار کړی دی.

د ارګ خبرپاڼه کاږي، ولسمشر او ډانفورډ همدا راز د سولې په پروسې هم بحث وکړ.

ولسمشر ویلي چې افغانستان له نړیوالې ترهګرۍ سره د مبارزې په لومړۍ کرښه کې دی چې باید له دغې پدیدې سره مشترکه مبارزه وشي.

ډانفورډ تر دې وړاندې ویلي و چې افغانستان ته يې د سفر موخه له ټاکنو وړاندې د دغه هېواد له وضعیت د جاج اخېستل  دي.

هغه ټینګار کړی چې د سولې پروسې له امله افغانستان کې د دوی جګړه ییز ماموریت کوم تغییر نه دی کړی.

Leave a Reply

Your email address will not be published.