وېلز: امریکا افغانستان کې له پتمنې سولې ملاتړ کوي

د ملي دفاع سرپرست وزیر اسدالله خالد د سویلي او منځنۍ آسیا په چارو کې د امریکا د بهرنیو چارو وزارت له ځانګړې استازې الیس وېلز سره کتلي دي.

له ملي دفاع وزارت په خپره شوې خبرپاڼه کې راغلي، چې وېلز اوخالد ترهګرۍ سره مشترکې مبارزې، راتلونکو ټاکنو، د افغانانو په مشرۍ مالکیت د سولې په روان بهیر او د جګړې په ډګرونو کې د افغان سرتېرو په لاسته راوړنو بحث کړی دی.

د امریکا د متحده ایالانو د بهرنیو چارو مرستیالې وزیرې د جګړې په ډګر کې د ملي اردو لاسته راوړنې د ستایلو وړ بللي او  ډاډ یې ورکړ چې هیواد یې  د افغانانو په مشرۍ له یو با عزته او با تدبیره سولې ملا تړ کوي او امریکا د افغانستان دفاعي او امنیني ځواکونو د پیاوړتیا لپاره  هر راز مرستو ته چمتو ده