په فارياب كې تښتول شوي كسان راخوشي شول

فاريابهغه اتيا تنه خوشي شوي چې د شنبه په ورځ په فارياب كې د وسله والوطالبانو له خوا تښتول شوي وو.  د فارياب امنيتي چارواكي وايي داكسان په دوو موټرو کې سپاره وو، د شنبې ماسپښين  د قرمقول ولسوالۍ په جنګل سيمه کې د ميمنې او اندخوی پر لاره طالبانو تښتولي وو.

د فارياب پوليس وايي دوى توانېدلي چې دغه اتیا يرغمل شوي کسان را خوشي کړي. د فارياب د پوليسو د قومندان په وينا، وسله وال طالبان په دې توانېدلي وو چې يوازې شپږ کسان له خپل ځان سره وساتي چې څلور يې بيا وروسته ازاد شول، او س يوازې دوه ولسي وګړي د طالبانو په بند کې پاتې دي. طالبانو تر اوسه د دغې پېښې په اړه څه نه دي ويلي.

Leave a Reply

Your email address will not be published.