چخانسوري: افراد په خپله خوښه قانون نه شي تفسیر کولای

چخانسوري: افراد په خپله خوښه قانون نه شي تفسیر کولای

د جمهور رییس ویاند هارون چخانسوري ویلي، د اساسي قانو د تفسیر مرجع ستره محکمه ده، احزاب او افراد نه شي کولای په خپل زړه او خوښه قانون تفسیر کړي.

 

چخانسوري پر خپله فېسبوک پاڼه لیکلي: د موقت حکومت تر نوم لاندې هر جوړښت د اساسي قانون او اسلامي جمهوري نظام پر خلاف کار دی او د سیاسي احزابو او نوماندانو لخوا وړاندې شوي میکانیزمونه هېڅ قانوني بنسټ نه لري.

 

د هغه په خبره، هر څوک د مدني حرکت حق لري، خو هغه حرکت چې د نافذه قوانینو په رڼا کې وي.

 

وړمه ورځ د ولسمشریزو نوماندانو یوې شورا ویلي و، د ولسمشر کاري موده پای ته رسېږي او باید موقت یا سرپرست حکومت جوړ شي.

 

د نوماندانو دغه کار له سختو غبرګونونو سره مخ شوی دی.

Leave a Reply

Your email address will not be published.