کرزی: د عمران خان وروستۍ څرګندونې افغان چارو کې بربنډه لاس وهنه ده

کرزی: د عمران خان وروستۍ څرګندونې افغان چارو کې بربنډه لاس وهنه ده

مخکېني ولسمشر حامد کرزي د عمران هغه څرګندونې غندلي چې ویلي و چې افغانستان کې دې موقت حکومت جوړ شی.

 

د حامد کرزي له  دفتره په خپره شوې خبرپاڼه کې راغلي، چې د موقت حکومت جوړېدو په تړاو د عمران خان وروستۍ څرګندونې د افغانستان په کورنیو چارو کې ښکاره لاس وهنه ده.

 

کرزي د افغانستان پر ګاونډیو هېوادونو په ځانګړې توګه پاکستان باندې غږ کړی چې د موقت حکومت جوړېدو او ټاکنو په تړاو دې له هر راز خبرو په جدي ډول ډډه وکړي.

 

اعلامیه کې ویل شوي چې افغانان د سیمې او نړۍ هېوادونو سره نېکې اړیکې غواړي.

د پاکستان لومړي وزیر عمران خان تېره ورځ ویلي و چې د افغانستان د ستونزو حل یواځینۍ لار د موقت حکومت جوړېدل دي.

 

د عمران خان دغه څرګندونې د افغانانو له کلک غبرګون سره مخ شوې دي او دغه شان خبرې يې د افغانستان په چارو کې لاس وهنه بللې ده.

Leave a Reply

Your email address will not be published.