کندز؛ دیني علماء د جګړې د بس په خاطر جرګه شوي

کندز؛ دیني علماء د جګړې د بس په خاطر جرګه شوي

 

کندز کې دیني عالمان  هیواد کې د جګړې د پای ته رسېدو په اړه دعامه پوهاوي غوښتونکي دي .

 

دعلما شورا د نوي ریس د معرفي کېدو په موخه جوړې شوې غونډه کې د کندز والي ویلي چې  په اوسنیو شرایطو کې علماء باید خلکو عامه پوهاوي په پار ګړنډي ګامونه واخلي څو د بې ګناه کسانو وژونو او د خلکو ځورونو ته د پای ټکی کېښودل شي.

غونډه کې ټينګار پردې شوی هغه ډلې چې د تنکیو ځوانانو په لاس ټوپک ورکوي ، خلک پرې وژني، پلونه،  مدرسې او عامه ځایونه پرې ورانوي ددې څخه نورباید مخنیوی وشي.

 

د کندز د ولایتي شورا غړي مولوي خوش محمد نصرت یار هم  ویلي چې علماء، ځوانان او په ځانګړي توګه  د ټولنې هر وګړی  دې خپله خاوره مور وبولي څو دغه روان ناورین ته د پای ټکی کېښودل شي.

ښاغلي نصرت یار پر علماوو غږ وکړ چې په همغږۍ سره دې تر یو چتر لاندې د سولې ثبات، عامه پوهاوي او په ځانګړي توګه د جګړې بندولو په پار یولاس شي.

خبریال؛ نور ګل اندړوال

Leave a Reply

Your email address will not be published.