مونږ او زمونږ زیات څیړونکي لا په فکري لحاظ دې ته چمتو نه دي چې د یوې اوږدي دورې له فکري جموده ځانونه راوباسي، مونږ کله نا کله غوښتي د شاه امان الله په باره کې رښتیا ووایو خو زمونږ تړاوونو او فکري مشغولتیاوو بیا زمونږ ژبې او قلمونه رانه برمته کړي. مونږ کله نا کله د محمد ظاهر او بیا د جمهوریت په نامه د همغې کورنۍ واک ته دومره د تقدس په سترګو کتلي چې د هغه په درشل کې مو د تاریخ ډیرې خوږې له قلمونو او فکرونو پاته شوي.

ملایان له دې وډار شول او د ساینس په اړه په بدګمانۍ اخته شول او فکر یې کاوه چې دا به د دیني عقیدو د کمزوۍ او عیسویت ته د مسلمانانو د اړولو سبب شي. همدا ملایان چې د سنتي او له وخته د تېرو درسي سیستم پيداوار وو، د ساینس په اهمیت پوه نه شول او هر نوي شي ته یې په داسې سترګه وکتل چې دین ته خطر پېښوي.