د ټاکنیزو شکایتونو خپلواک کمېسیون وایي په ۲۱ ولایتونو کې به د څه باندې ۵ زرو محلونو د رایو د بیا شمیرنې عملیاتي جدول په دوو ورځو کې د ټاکنوخپلواک کمېسیون ته ولیږدي چې په کابل کې به د ۱۶۹۹ محلونو رایې بیا وشمیرل شي.

ﺩ ﺍﻧﺘﺨﺎﺑﺎﺗﻮ ﺧﭙﻠﻮﺍﮎ ﮐﻤﯧﺴﯿﻮﻥ ﺩ ﺩﺍﺭﺍﻧﺸﺎﺀ ﺭﺋﯿﺲ ﺣﺒﯿﺐ ﺍﻟﺮﺣﻤﻦ ﻧﻨګ ﺑﯿﺎ ﭘﻪ ﺩﯤ ﺍړﻩ وایی ، ﺩ ټﺎﮐﻨﯿﺰﻭ ﺷﮑﺎﯾﺘﻮﻧﻮ ﮐﻤﯧﺴﯿﻮﻥ ﺩﻭﯼ ﺳﺮﻩ ﺩ ﺭاﯾﻮ ﺩ ﺑﯿﺎ ﺷﻤﯧﺮﻧﯥ ﭘﻪ ﺍړﻩ ﻋﻤﻠﯿﺎﺗﻲ ﭘﻼﻥ ﻧﻪ ﺩﯼ ﺷﺮﯾﮏ ﮐړﯼ .

له ۵ تر ۵۰۰ محلونه به په ولایتونو کې تر بیا شمېرنې یا پلټنې لاندې راشي او دا لړۍ ښايي د راتلوونکې اونۍ د شنبې په ورځ پیل شي.

د ټاکنیزو شکایتونوخپلواک کمېسیون د ټاکنو د قانون له مخې د راتلونکې اونۍ تر دوشنبې وخت لري چې په خپلو ولایتي دفترونو کې د ټولو شکایتونو څیړنه بشپړه کړې. دغه بنسټ اوس په ننګرهار، کاپيسا، بغلان، بامیان، غور، فاریاب، هلمند، هرات، فراه او نیمروز ولایتونو کې د شکایتونو په حقوقي تحلیل کارکوي.

د ټاکنیزو شکایتونو د کمیسیون غړی قطب الدین رویدار وايي د ټاکنیزو شکایتونو کمیسیون د شکایتونو د مستند کولو بهیر بشپړ کړی اود شکایتونو څیړنه روانه ده ،خو د کابل، کندهار، پکتیا، او ننګرهار ولایتونو شکایتونه ښايي په خپل وخت ونه څيړل شي، چې د شکایتونو شمیر یې ډيردی.

د ټاکنیزو شکایتونو د کمیسیون د دارالانشا رييس چمن اعتمادي وايي چې په ټولو ولایتونو کې د شکایتونو څیړنه روانه ده او په راتلونکې اوونۍ کې به د هغو ولایتونو د شکایتونو څيړنه پای ومومي چې د شکایتونو شمیر یې لږ دی.