پنټاګون: د عمان په خلیج کې زمونږ بې پیلوټه الوتکه ویشتل شوې

د امریکا د متحدو ایالتونو مرکزي قومانداني ادعا کړې چې د عمان په خلیج کې يې د دوی یوه ډرون الوتکه ویشتل شوې ده.

امریکايي چارواکو ویلي، د جون په ۶ مه نیټه یې یوه ډرون الوتکه د حوثي یاغیانو لخوا ویشتل شوې وه، خو د همدې میاشتې په ۱۳ مه نېټه یې بله الوتکه هم تر بری لاندې راغلې  ده.

چارواکو ټینګار کړی چې ددوې اړوند  یوه ام کیو ۹ ډوله  بې پیلوټه الوتکه  د جون په ۶ مه نيټه  د حوثي یاغیانو لخوا د  اس ای ۶ ډوله  توغندي سره  ویشتل شوې ده.

د هغوی په خبره، حوثي یاغیانو د جون په ۱۳ مه نيټه  هم  د عمان  په خلیج کې ددوې په یوې ډرون الوتکې  د تیلو په لیږوونکو  لویو کښتیو د برید نه سمدلاسه وروسته  برید شوی دی.