کډوال وايي’ ترکیه یې نه پرېږدي یونان ته واوړي

ترکیې ته رسېدلي کډوال وايي، دغه هېواد یې لارې بندې کړې او نه پرېږدي چې یونان ته واوړي.

کډوال شکایت کوي چې په ترکیه کې د ژوند شرايط خورا ترینګلي دي او که ژر له دغه هیواده ونه وځي په سیمه کې به موسمي اقلیمي تغیرات ددوی پروړاندې په بحرونو کې او د ځمکې له لارې سفرونه ستونزمن کړي.

ترکیې ته رسېدلي اکثره کډوال د سوریې، عراق، افغانستان او پاکستان دي، چې په سختو لارو او د قاچاقچیانو په مرسته هلته رسېدلي دي.

ترکیې ددوی دوه میلونه یې یوازې په یو سټډیوم کې ځای پرځای کړي او د ژوند کولو شرايط یې خورا ناوړه دي.

د ترکیې چارواکي وايي‌له یونان سره په خبرو لګیا دي او که هغه هیواد اجازه ورکړي چې کډوال ورپرېږدي نو دوی به زر تر زره د وتلو دروازې پرانیزي.